Mauritania

Poll without page-refresh

Article on other languages:

	del.icio.us
	Digg
	Furl
	Reddit
	Rojo
	Add to OnlyWire

Xeografía en progreso: Este artigo de xeografía é, polo de agora, só un esbozo. Traballa nel e contribúe a que a Galipedia mellore e medre.

الجمهورية الإسلامية الموريتانية
Al-Jumhuriyah al-Islamiyah al-Muritaniyah
République Islamique de Mauritanie
República Islámica da Mauritania

	Imaxe:Maurarms22.PNG
Bandeira da Mauritania	Brasón

Lema: Honneur, Fraternité, Xustice
(Honra, Fraternidade, Xustiza)

Lingua oficial

árabe (oficial), wolof (lingua nacional), francés, hasaniya, pular (nacional), soninke (nacional)

Capital

Nouakchott
18º09’ N, 15º58’ W

Presidente da Xunta Militar

Ely Ould Mohamed Vall (líder interino do Consello militar para a xustiza e a democracia)

Primeiro ministro

Yahya Ould Ahmed El Waghev

Área
- Total
- % water

28^o lugar
1,030,700 km²
Despreciabel

Poboación
- Total (2000)
- Densidade

132º lugar
2,667,859
2.6/km²

PIB (PPP)
- Total (Year)
- PIB per capita

Posición 148
US$4.891 mil millóns
US$1.700

Moeda

Ouguiya

Fuso horario

UTC

Independencia
- Data

de Francia
28 de novembro do 1960

Hino nacional

Hino Nacional da Mauritania

TLD (Internet)

.mr

Código telefónico

222

A Mauritania é un país da África Occidental, limitado a norte polo Marrocos, a leste e a sur polo Mali, a sur polo Senegal e a oeste polo Océano Atlántico. É un dos países máis próximos a Cabo Verde. Capital: Nouakchott.

Historia

Os restos de material lítico mostran o poboamento de mauritania durante o Paleolítico Inferior. Fican tamén algúns restos de pinturas rupestres, aínda que pobres en comparción con os do Tassili, e que corresponden aos pobos gandeiros do Neolítico. A partir do terceiro milenio, a desecación do Sahara forza as poboacións a emigrar cara o sur, para a conca do río Senegal e máis ao sur aínda. O baleiro é paulatinamente cuberto por poboacións bérberes vindas desde o norte, sobre todo desde os últimos séculos do primeiro milenio antes do cambio de Era, mercé a introducción desde oriente do camelo.

Nos primeiros séculos da era cristiá, porén, o dominio sobre o territorio corresponde ao reino de Ghana, de poboación negra. Este dominio do ghanese mantense até o século X, controlando o comercio de ouro, sal e escravos cara o norte do Maghreb. No século XI, poboación bérberes, con centro en Tarsina, emprenden unha revolución relixioso-militar, que levará ao dominio do Sudán occidental, e a creación da seita islámica dos almorábides, que se expandirá logo para o norte maghrebí e até o Al Andalus. En 1143 este estado afúndese ante a aparición dunha nova seita: os almohades, que continúan o dominio bérber. A partir da segunda metade do século XIII, os hassaniya, árabes, impoñen o seu dominio, crando o sistema de estamentos, que sen grandes variación perdurou até as portas do século XXI. O estrato superior monopolizando as xefaturas, os xeques, corresponde aos tales hassaniya; no estrato intermedio colócanse os zenagga, bérberes vasalos dos anteriores; no estrato inferior están os escravos negros. O sistema económico segue a ser o dos séculos anteriores: comercio de escravos, ouro - estes enviados ao norte polas rutas transaharianas - e sal.

Desde a segunda metade do século XV, os contactos con os europeos aumentan desde que os portugueses fundan feitorías na costa. Agora boa parte do comercio de escravos desvíase para eses enclaves litorais.

A partir do final da era napoleónica, os franceses emprenden a penetración no río Senegal, no sur do Mauritania. En 1912 o país fica baixo o seu protectorado, e desde 1920 é formalmente unha colonia dentro da África Occidental Francesa, que é dirixida desde a cidade de Saint Louis, Senegal. Logo dunha fase de autonomía a fins da década de 1950, o 28 de novembro de 1960, Mauritania logra a súa total independencia, organizándose como unha República Islámica.

Política

Subdivisións

Mauritania está dividida en 13 wilayas. Cada wilaya está, a súa vez, subdividida en mughataaou distritos (52 en total).

	Wilaya	Capital
1	Adrar	Atar
2	Assaba	Kiffa
3	Brakna	Aleg
4	Dakhlet Nouadhibou	Nouadhibou
5	Gorgol	Kaedi
6	Guidimagha	Selibaby
7	Hodh Ech Chargui	Néma
8	Hodh El Gharbi	Aiun el-Atrouss
9	Inchiri	Akjoujt
10	Nouakchott	Nouakchott
11	Tagant	Tidjikdja
12	Tirit Zemmour	Zouerate
13	Trarza	Rosso

Xeografia

Mauritania ten fronteiras con Alxeria, o Sahara Occidental (controlado por Marrocos desde o Tratado de Madrid), Mali e máis o Senegal. Trazadas polos colonizadores franceses, explícanse así a dereitura das liñas.

O país divídese en catro rexións naturais. Ao longo do litoral atlántico exténdese unha grande área arenosa que corresponde ao deserto do Sahara. A rexión central está salpicada de planaltos escarpados. No leste aparecen as grandes cubetas dunares. O río Senegal excavou un longo val na fronteira meridional: é a cuarta rexión. Un segundo curso fluvial importante é o Karakoro. O clima é extremadamente árido, o que explica a débil densidade populacional.

Economía

Mauritania posúe certas cantidades de reservas de petróleo e de gas ubicadas nas súas augas territoriais. Ademais conta con áreas de ouro e de diamantes. Cóntase con tales reservas para tentar relanzar economicamente o país.

A minería do ferro é importantísima, de modo que se coida que a mina a ceo aberto de Zouerat é a maior mina férrica activa do mundo. Vencellado á súa explotación figura o ferrocarril de Snim, que posúe a Sociedade Nacional Mineira, con un tren considerado como o máis longo da Terra (2,400 km e 254 vagóns), que transporta o mineral desde a mina até a costa.

Outra importante actividade é a pesqueira, vencellada á explotación dun mar territorial mauritano, que nesta altura está considerado como o máis produtivo do mundo. O centro pequeiro está na cidade de Nuadhibu (ou Nouadhibou en escrita á francesa), situada no litoral norte do país.

Demografia

Consonte estimacións do ano 2007, a poboación mauritana alcanzaba os 3.270.065 de habitantes, mentres a esperanza de vida era tan só de 53,12 anos (estimacións de 2006). Desde un punto de vista étnico, a poboación estaba composta de árabes nun 30% (o termo árabe refírese na súa maior parte a descendentes de bérberes), e un 30% de negros; mentres que eran cualificados como individuos de orixe mixta (árabe-negro) un 40%. O contraste de persoas é unha característica saliente da poboación de Mauritania: baste lembrar que a escravitude foi legalmente abolida aínda en 1981, mais segundo datos de SOS Esclaves en 2007 había 600.000 escravos no país. Recentes leis castigan a pose de escravos .

Un 99,84% dos habitantes profesa a relixión islámica, na súa maior parte sob a confesión sunnita.

A língua oficial é o dialecto árabe denominado hassaniya. Ademais o francés está estendido abondo. Son usadas tamén diversas línguas africanas, nomeadamente o wolof, pular e soninke. Aínda que faltan datos máis precispos, sobreviven aínda falantes dunha variante bérber, o zenaga, que presenta numerosas peculiaridades a respeito doutros falares bérberes.

Cultura


Data	Nome en galego	Nome local	Observacións

Tópicos diversos

Países membros da Unión Africana

Países do mundo | África

Outros territorios

Traído desde "http://gl.wikipedia.org/wiki/Mauritania"

Categorías: Xeografía en progreso | Países | África | Mauritania

Article keywords: air mauritania, capital mauritania, africa mauritania, hotel mauritania, culture mauritania, cabin mauritania, mauritania tourism, corps mauritania peace, history mauritania,

This article is from Wikipedia. All text is available under the terms of the GNU Free Documentation License.