Carina

Carina
Nome Latino	Quilla
Abreviatura	Car
Xenitivo	Carinae
Simboloxía	A Quilla (do Argo Navis)
Ascensión Recta	9 h
Declinación	−60°
Área	494 graos cadrados Rango 34°
Número de estrelas (magnitude < 3)	5
Estrela máis brillante	Canopo (α Car) (magnitude ap. −0.7)
Choiva de meteoros	Alpha Carinids Eta Carinids
Constelacións colindantes	Vela Puppis Pictor Volans Chamaeleon Musca Centaurus
Visible en latitudes entre +20° e −90° Mellor visibilidade ás 21:00 (9 p.m.) durante o mes de Marzo

Carina (a quilla) é unha constelación do sur que forma parte da vella constelación de [[Argo Navis] (o navío Argo). A Unión Astronómica Internacional dividiuna en catro compoñentes: Carina (a Quilla), Vela (a Vela), Puppis (a Popa) e Pyxis (o Compás).

Estrelas principais

• α Carinae (Canopo), segunda estrela máis brillante do firmamento, de magnitude -0,72, é unha superxigante branco-amarela a 310 anos luz de nós. Aínda que se trata duna estrela do hemisferio sur pode observarse dende a costa africana do Mar Mediterráneo.
• β Carinae (Miaplacidus), despois de Canopo a máis brillante da constelación (magnitude 1,67), unha subxigante branca.
• ε Carinae (Avior), de magnitude 1,86, o seu nome foille asignado na década de 1930 ó crearse The Air Almanac, un calendario de navegación usado polas forzas aéreas británicas.
• η Carinae (Eta Carinae), unha das estrelas máis masivas do universo, cunha enorme luminosidade de ó redor de catro millóns de veces a do Sol, e cunha masa estimada entre 100 e 150 veces a masa da nosa estrela local.
• ι Carinae (Aspidiske), de magnitude 2,21, unha superxigante branca a 690 anos luz.
• υ Carinae, de magnitude 2,92, estrela binaria que pode ser vista cuns simples binoculares. A separación entre as compoñentes é de 5 segundos de arco.
• χ Carinae (Drys), subxigante azul de magnitude 3,46 distante 387 anos luz.
• S Carinae, estrela variable Mira cun brillo que varía entre magnitude 4,5 e 9,9 nun ciclo de 149,49 días.
• AG Carinae, variable luminosa azul un millón de veces máis luminosa có Sol.
• HD 84810 (l Carinae), estrela variable cefeida, cunha magnitude que oscila entre 3,28 e 4,18 nun ciclo de 35,54 días. É unha das cefeidas máis brillantes, visible a simple vista.
• HD 93129, sistema estelar masivo onde a súa compoñente HD 93129 é unha das estrelas máis luminosas que se coñecen.
• WR 20a, sistema binario composto por dúas estrelas de Wolf-Rayet.
• Sher 25, distante superxigante azul que se pensa que está a punto de estourar coma supernova.

Obxectos Notables do espazo profundo

• NGC 2516, cúmulo aberto de gran tamaño, atopase a 1300 anos luz. AR: 07h 58m 18.0s Dec: -60°52'00" (Época 2000).
• NGC 2808, cúmulo globular grande e rico en estrelas. AR: 09h 12m 00.0s Dec: -64°52'00" (Época 2000).
• NGC 3114, cúmulo aberto. AR: 10h 02m 42.0s Dec: -60°07'00" (Época 2000).
• NGC 2867, nebulosa planetaria a 1,2º NNL de Aspidiske (ι Carinae), a súa estrela central é unha estrela de Wolf-Rayet.
• Gran Nebulosa de Carina (NGC 3372), de magnitude de 6, rodeando a estrela Eta Carinae. AR: 10h 43m 48.0s Dec: -59°52'00" (Época 2000).
• Cúmulo Theta Carinae (IC 2602), grupo dunhas sesenta estrelas onde θ Carinae é a máis brillante. AR: 10h 43m 12.0s Dec: -64°24'00" (Época 2000).
• Anana de Carina, pequena galaxia satélite de la Vía Láctea.

Véxase tamén

A desmantelada constelación de Argo Navis

Mitoloxía

Para revisa-la mitoloxía desta constelación, a mellor forma é visita-los ártigos adicados ó mito do navío Argo Navis, mandado facer por Xasón a Argos; navío co don da fala e a profecía que lle serviu a Xasón para ir á busca do vélaro de ouro xunto coa súa tripulación, os míticos Argonautas.

• Xasón
• Argonautas
• Argo Navis (mitoloxía)
• Argos
• Vélaro de Ouro

Astronomía

Para máis información sobre a desmantelada Argo Navis e ás súas compoñentes revise ós seguintes ártigos:

• Argo Navis
• Popa
• Compás
• Vela

Ligazóns externas

Commons ten máis contidos multimedia sobre:

Carina

• The Deep Photographic Guide to the Constellations: Carina (en inglés)
• Starry Night Photography: Carina (en inglés)
• Eta Carina Nebula by Thomas Willig (en inglés)
• Star Tales – Carina (en inglés)

Article keywords: cora carina, toyota carina, carina lau, carina round, toyota carina e, suzie carina pic, carina sanchez, carina dahl, carina damm,