Aries

Article on other languages:

• Aries
• Aries
• Сузор'е_Авен
• Овен_(съзвездие)
• Àries
• Souhvězdí_Berana
• Vædderen
• Widder_(Sternbild)
• Κριός_(αστερισμός)
• Aries_(constellation)
• Ŝafo_(konstelacio)
• Aries
• Oinas
• Bélier_(constellation)
• An_Reithe
• Aries
• טלה_(קבוצת_כוכבים)
• Ovan_(zviježđe)
• Kos_csillagkép
• Aries
• Ariete_(costellazione)
• おひつじ座
• ვერძი_(თანავარსკვლავედი)
• 양자리
• Beran_(birç)
• Aries_(sidus)
• Aries_(Stärebild)
• Avinas_(astronomija)
• Auns_(zvaigznājs)
• Ram_(sterrenbeeld)
• Vêren
• Aret_(constellacion)
• Baran_(gwiazdozbiór)
• Berbecul_(constelaţie)
• Овен_(созвездие)
• Súhvezdie_Baran
• Väduren_(stjärnbild)
• กลุ่มดาวแกะ
• Koç_(takımyıldız)
• Овен_(сузір'я)
• Bạch_Dương_(chòm_sao)
• 白羊座

	del.icio.us
	Digg
	Furl
	Reddit
	Rojo
	Add to OnlyWire

Aries
Nome Latino	Aries
Abreviatura	Ari
Xenitivo	Arietis
Simboloxía	o Carneiro
Ascensión Recta	3 h
Declinación	+20°
Área	441 graos cadrados Rango 39°
Número de estrelas (magnitude < 3)	2
Estrela máis brillante	α Ari (Hamal) (magnitude ap. 2.0)
Choiva de meteoros	Arietidas de Maio Arietidas de Outono Delta Arietidas Epsilon Arietidas Arietidas dunha Xornada Aries-Triangulidas
Constelacións colindantes	Perseus Triangulum Pisces Cetus Taurus
Visible en latitudes entre +90° e −60° Mellor visibilidade ás 21:00 (9 p.m.) durante o mes de Decembro

Aries (o carneiro, símbolo , Unicode ♈) é unha das constelacións do zodíaco; atopase entre as constelacións de Pisces, ó oeste, e Taurus ó leste.

Estrelas principais

• α Arietis (Hamal ou Hamel), a estrela máis brillante da constelación con magnitude 2,01, unha xigante alaranxada rodeada dun fermoso grupo de estrelas.
• β Arietis (Sheratan), a segunda máis brillante con magnitude 2,64, binaria espectroscópica de cor branca.
• γ Arietis (Mesarthim), de magnitude 3,88 é unha estrela binaria onde as súas dúas compoñentes brancas están separadas 8 segundos de arco. Unha delas é unha estrela lixeiramente variable.
• δ Arietis (Botein), estrela xigante laranxa.
• ε Arietis, estrela binaria onde as súas compoñentes están separadas 1,5 segundos de arco.
• λ Arietis, binaria ampla cunha separación de 37,4 segundos de arco.
• 41 Arietis (Bharani), estrela branco-azulada de magnitude 3,61, aínda que non ten designación de Bayer é a terceira máis brillante da constelación.
• HD 20367, anana amarela cun planeta extrasolar.
• Estrella de Teegarden, anana vermella moi feble a uns 12,6 anos luz da Terra.
• TZ Arietis (Luyten 1159-16), anana vermella e estrela fulgurante tamén próxima ó sistema solar, a 14,5 anos luz.

Obxectos Notables do espazo profundo

• NGC 772 AR: 01h 59m 18.0s Dec: +19°01'00" (Época 2000). Galaxia difusa en espiral, a un grao de γ Arietis.

Visualización gráfica

As estrelas da constelación Aries poden ser conectadas dun forma alternativa, coma graficamente indica o carneiro que está correndo (ou saltando).

Diagrama da forma alternativa de conecta-las estrelas da constelación de Aries.

A cabeza do cordeiro está formada polas estrelas α Ari, λ Ari, e β Ari: sendo α Ari de segunda magnitude e beta Arietis de terceira magnitude.

O corpo do carneiro consiste nas estrelas α Ari, η Ari, ε Ari, 41 Ari, e 35 Ari: ε Ari e 41 Ari son de cuarta magnitude.

O rabo do carneiro está formado polas estrelas 35 Ari, 41 Ari, e 39 Ari.

A estrela γ Ari, de cuarta magnitude, representa as patas de adiante, e a estrela δ Ari, tamén de cuarta magnitude, representa as patas de atrás.

Mitoloxía

Representación medieval de Aries

Frixo e Hele son fillos de Atamante, rei de Tesalia e de Néfele. Tras quedar viúvo, Atamante volta a casarse con Ino. Anos despois o reino sofre unha etapa de fames e a raíña decide sacrificar ós irmáns para rematar con esa desgraciada época. Hermes salva ós nenos entregándolles un carneiro alado, coa lá ou vélaro de ouro, e dotado do don da fala. Os nenos parten enriba del rumbo a Asia, salvando a vida. Durante a viaxe Hele cae ó mar e afoga, dando o seu nome a esa rexión mariña, que pasará nomearse Helesponto. Frixo chega á Cólquida, onde o seu rei Eeteso adopta e concedelle en matrimonio a súa filla Calcíope.

En agradecemento a Eetes, Frixo sacrifica o carneiro e ofrécelle o vélaro ó rei, quen o consagra a Ares e cólgao dunha anciña nun bosque adicado ó deus, gardado por un descomunal dragón e rodeado por campos onde pastan enormes touros salvaxes.

Segundo algúns, Aries é unha constelación de pouco brillo porque o vélaro de ouro do carneiro ficou na Cólquida.

Véxase tamén

Ligazóns externas

Commons ten máis contidos multimedia sobre:

Aries

• The Deep Photographic Guide to the Constellations: Aries (en inglés)
• NightSkyInfo.com: Constellation Aries (en inglés)
• Star Tales – Aries (en inglés)